Reciclando con Caillou

Ás veces esquécesenos onde temos que tirar cada cousa cando rematamos de merendar...Así que aquí deixo este xogo para lembrarnos de en que color ten que ir cada cousiña. Se premedes sobre a imaxe accederedes ao xogo.

La peluca de Luca. Un cuento para valientes.

Navegando pola rede, atopei este conto que me gustaría compartir coas familias dos peques de Franza. Porque sempre hai algún motivo para mercar un libro aos nen@s ou para levalos á biblioteca, penso que este pode gustar tanto a grandes como a pequen@s.

Ademáis é uns deses libros para reflexionar, sobre os estereotipos sexistas neste caso.
Aquí vos deixo un vídeo moi simpático no que uns rapaciños cóntannos un pouquiño de que trata e fan unhas reflexións moi interesantes sobre este tema.

Hoxe imos contar un conto....

Hoxe imos contar un conto, un conto moi especial, non sabemos de que trata máis pronto se saberá.....

Aquí vos deixamos unha sorpresiña. Esperamos que vos guste.

Día das Letras Galegas

Hoxe no cole celebramos o día das Letras Galegas, que este ano esta adicado a Roberto Vidal Bolaño, realizando varias actividades.
Fomos a pizarra máxica, onde xogamos cun EdiLim (se premedes AQUÍ podedes velo) sobre a biografía e obra deste autor.

Unha das imaxes máis características de Roberto Vidal Bolaño e esta, na que aparece cun sombreiro e unha nariz de paiaso.

Nos, decidimos caracterizarnos coma el e quedamos así de ben:

 

Tamén apadriñamos unha palabra en galego, a cal escribimos na nosa casa coa axuda das nosas familias nunha folla e as pegamos nun mural.

Letras galegas on PhotoPeach

De excursión

Fai uns días, fixemos unha saída moi divertida. Primeiro fomos ao parque de educación vial de Barallobre, onde vimos un pequeno vídeo sobre algunhas normas e sinais, fixemos unhas fichas e logo conducimos uns vehículos moi chulis por un circuito, fixándonos nos semáforos e nos sinais que aprendemos co vídeo. Despoios, marchamos para o museo do humor de Fene. Alí, vímonos nuns espellos moi divertidos; nuns parecíamos xigantes e noutro ananiños. Tamén visitamos unha sala do humor negro onde había unha luz que facía que todas as cousas brancas que levábamos brilasen moitísimo.

A verdade é que o pasamos xenial e nos portamos estupendamente e dende aquí queremos darlles as grazas a tódolos monitores, tanto do parque de educación vial como do museo do humor, por tratarnos tan ben.  

Aquí vos deixamos algunhas fotos desta excursión.

UNHA EIRUGA MOI LARPEIRA....

Fai uns días, a mamá de Carla de 4ºde primaria, veu a cole e contounos aos nenos de infantil este conto tan chuli

A verdade é que foi todo un acerto este conto,  xa que temos na clase ovos de vermiños de seda que xa vos ensinaremos!

Se premedes AQUÍ, poderedes xogar cun EDILIM sobre este conto.

Outra xoia de Hervé Tullet

Aquí vos deixamos outro conto de Hervé Tullet. Neste caso, trátase dun libro interactivo que aos peques de Franza (e a profe Sonia) encantounos. Ademáis tivemos un contacontos de excepción....

Aquí vos deixamos un vídeo (en inglés) para que podades botarlle unha ollada a este conto tan especial:

Cociñando debuxos

Hoxe traballamos con esta preciosidade de libro:

É do xenial Hervé Tullet que, por se non coñecedes, invitámosvos a visitar a súa páxina web  (http://www.herve-tullet.com/)

Trátase dunha forma moi orixinal de debuxar, seguindo os mesmos pasos que se se tratase dunha receta de cociña e empregando como ingredientes círculos, huellas dactilares, círculos, líneas, ....O máis interesante e que todos os nenos e nenas o poden facer, non só os que son mellores debuxantes. Ademáis, traballamos a grafomotricidade dunha forma diferente, e sobre todo a atención, xa que temos que estar moi atentos aos pasos que debemos ir seguindo para que nos salga ben o noso "prato".

Aquí vos dexiamos a nosa primeira receta: Delicias de garabatos.

Esperamos que vos guste

BO PR0VEITO!

Decoración de primavera

Chegou a primavera!! aínda que non se deixou ver moito o sol polo momento... Pero como xa temos ganas do seu colorido, cambiamos un pouco a decoración da entrada á nosa aula, a ver se así se anima a saír o Sol.
 

Antes de irnos de vacacións, fixeramos un mural colaborativo da primavera. Entre todos decidimos previamente qué cousas propias desta estación deberían aparecer: flores, bolboretas, árbores, insectos, un sol, ...Despois, tivemos que poñernos de acordo entre todos para decidir que debuxaría cada un e por último puxémonos mans á obra, colaborando entre todos. Este foi o resultado e por suposto xa forma parte da nosa decoración primaveral.

FROITAS DIVERTIDAS

Nuns días comezaremos co plan de fomento do consumo de froitas nas escolas polo que vos deixo algunhas ideas de presentacións divertidas de froita para aqueles nenos e nenas que son pouco amigos de estes alimentos tan sáns... Xa sabedes que para probar un novo alimento tennos que entrar primeiro polos ollos.

Espero que vos gusten e que vos sexan de utilidade.

Unha musaraña na clase

Hoxe atopamos unha musaraña na clase e ,coa axuda de Alberto, conseguimos collela con moito coidadiño para non facerlle dano. Pasou connosco toda a mañá, e así puidemos observala con atención. Tiña un rabiño moi longo, e unha cara moi simpática. Puxémoslle un pouquiño de pan e una anaco de mazá para que comera e non probou bocado, claro que depois averiguamos que se alimentan de insectos. Antes de marcharnos para casa ao mediodía, liberámola no xardín do cole e a verdade é que nos deu moita pena despedirnos dela. Esperamos voler a vela pronto!

Aquí vos deixamos algunhas fotos:

E aquí podedes ver os traballos que fixemos aproveitando esta inesperada visita:

Horizontais e verticais

Hoxe realizamos uns debuxos empregando trazos horizontais, verticais e un círculo. As "pezas" que nos quedaron dentro do círculo as fomos pintando de diferentes cores e este foi o resultado:

Portada do 2º trimestre

Xa estamos acabando o trimestre, así que fixemos as portadas para levar os nosos traballos a casa.

Como está comezando a primavera, as decoramos cunhas flores que están feitas con papeles dos que se usan para envolver as magdalenas, con paliños de madeira de cores e con follas de papel charol. Esperamos que vos gusten.

Semana da prensa

Con motivo da semana da prensa, traballamos un pouquiño co xornal na aula. Estivemos mirando as dieferentes cousas que podemos mirar no xornal; novas, deportes, a carteleira do cine, o tempo,...

Despois, os nenos e nenas de 3 anos buscaron as lestras do seu nome no xornal. Foi una tarefa moi dificil pero fixémola moi ben !

 E os nenos de 4 anos, compuxemos a palabra "periódico" con letras que buscamos e recortamos no xornal e logo debuxamos unha noticia.

Mírade que ben lle quedou a Antía !

saraiba...

Aquí nos tedes experimentando coa saraiba que atopamos no patio do cole ao chegar ao cole....

Xa coñecemos estas letras....

Make your own slideshow with music at Animoto.

Día da muller

                                       

Como sabedes, o día 8 de marzo celébrase o día internacional da muller. Na nosa clase traballamos  "A princesa Sabela" que conta a historia dunha nena que non quere seguir sendo princesa porque non lle permiten facer nada por ela mesma; nin soar o nariz, nin escoller a roupa e o peinado que quere poñer, nin subir as árbores, nin xogar cos porcos no cortello.

E na biblioteca do cole, vimos este outro conto que se chama "O meniño Nito" que fala sobre se os homes poden chorar ou non.

Esperamos que vos gusten e dende aquí queremos felicitar a todas as mulleres.

A princesa O

Xa coñecemos a outro membro da familia real de Letrilandia: a princesa O

Parécese un pouquiño a súa mamá, a raíña A, e lle gusta moito xogar co seu ooooooso e coas ooooondas do mar. Ademáis, ten a barriga redondiña de comer tantos doces !

Aquí vos deixamos a súa canción:

Aquí podedes ver as plantas aromáticas que temos na horta do cole:

PLANTAS AROMÁTICAS on PhotoPeach

Noticias de Pepito, o grilo viaxeiro

Hoxe, mentres estabamos na asamblea, apareceu Alberto cunha carta que o carteiro deixou no cole para a nosa clase... Era de Pepito, que despois de pasar uns días no Polo Norte cos Inuit, decidiu continuar a súa viaxe. Resulta que visitou un xardín botánico, e quedou tan abraiado da cantidade de plantas que alí había, que quixo compartilo con nós. Mirade que guapo está!

 

Ademáis, coa carta, recibimos un agasallo...unhas sementes máxicas!

Como estamos feitos uns investigadores, decidimos que imos traballar nun proxecto sobre as plantas para aprender moitas cousas interesante sobre elas e sobre todo para aprender a coidar das nosas sementes, que descubrimos que eran lentellas, garabanzos e fabas.

Cando comezamos un proxecto, unhas das fases máis importantes e interesantes é a exposicións das nosas ideas previas sobre a temática que imos traballar. Aquí podedes ver os nosos coñecementos previos sobre as plantas:

 

E claro, plantamos as sementes non vasiño cun pouquiño de algodón e auga... A ver que pasa !